මුකුණුවැන්න (Alternanthera sessilis)
සාධාරණ විස්තර
මුකුණුවැන්න යනු වාණිජව වගා කළ හැකි වෙළඳපොල තුළ වඩාත් ජනප්රිය කොළ එළවළු වර්ගයකි.
ඉහළ පෝෂණ අගය, ඖෂධීය ගුණ, හා ලාක්ෂණික රසය නිසා ජනප්රිය වේ.
බෝගය විටමින්, කැල්සියම් සහ යකඩ වලින් පොහොසත් ය.
පවතින වර්ග
පදුරු වර්ග
ඕවලාකාර හැඩැති කොළ සහ ලා කොළ පැහැති කඳින් යුතු වර්ගය.
වෙළඳපොලේ වඩාත් ජනප්රිය වර්ගය (පිලියන්දල වර්ගය).
වැල් වර්ග
ඕවලාකාර හැඩැති කොළ, දුඹුරු සහ කොළ වර්ණ මිශ්ර කඳින් යුත් වර්ගය.
පුරුක් ඉතා කෙටි වන අතර වැඩි වශයෙන් වගා කරන්නේ පන්නිපිටිය, ඇරැව්වල ප්රදේශවල ය.
දේශගුණික අවශ්යතා
පහතරට තෙත් කලාපය වගාවට වඩාත් සුදුසු ය.
වාරිමාර්ග පහසුකම් තිබේ නම් මෙම බෝගය රටේ වෙනත් ඕනෑම ප්රදේශයක වගා කළ හැකිය.
පස
හොඳින් ජලය බැස යන පහත් බිම් වගාවට වඩාත් සුදුසු ය.
සුදුසු pH අගය 6-7 කි.
පොහොර
කාබනික පොහොර හා රසායනික පොහොර යොදනු ලැබේ.
කුකුළු පොහොර වාණිජ වගාවන්හි බහුලව භාවිතා වන කාබනික පොහොර වේ.
ජල සම්පාදනය
පාත්තියෙහි ඉහළ ස්ථරයේ තෙතමනය පවත්වා ගැනීම සඳහා වාරිමාර්ග නිතර සිදු කෙරේ.
රෝග කළමනාකරණය
1. දුඹුරු පුල්ලි රෝගය (Brown leaf spot)
රෝග කාරකය: Cercospora sp.
රෝග ලක්ෂණ: දුඹුරු පුල්ලි සහිත කොළ සහ කහ වීම.
2. සුදු මලකඩ රෝගය (White rust disease)
රෝග කාරකය: Albugo sp.
රෝග ලක්ෂණ: පත්ර යටි පැත්තේ සුදු පුල්ලි.
කාබනික ගොවිතැනේදි Trichoderma asperellum භාවිතයෙන් රෝග පාලනය කළ හැකිය.
අස්වනු නෙළීම
සිටුවීමෙන් පසු සති 4 කට පළමු අස්වැන්න ලබා ගත හැකිය.
සෑම සති 3-4 කට වරක් අස්වනු නෙලීම කළ හැකිය.